శ్రీ సుబ్రహ్మణ్యాష్టకమ్
హే స్వామినాథ కరుణాకర దీనబందో
శ్రీ పార్వతీసుముఖపజ్కజపద్మబంధో
శ్రీ శాదిదేవగణపూజితపాదపద్మ
వల్లీసనాథ మమదేహి కరావలంబమ్
దేవాధిదేవనుత దేవగణాధినాథ
దేవేంద్రవంద్య మృదుపంకజమంజుపాద
దేవర్షినారదమునీంద్రసుగీతకీర్తే
వల్లీసనాథ మమదేహి కరావలంబమ్
నిత్యాన్నదాననిరతాఖిలరో గహారిన్
తస్మాత్ప్రదానపరిపూరితభక్తకామ
శృత్యాగమప్రణవవాచ్యనిజస్వరూప
వల్లీసనాథ మమదేహి కరావలంబమ్
క్రౌంచాసురేంద్రమదఖండనశక్తిశూల
పాశాదిశస్త్రపరిమండితదివ్యపాణే
శ్రీకుండలీశధృతతుండశిఖీంద్రవాహ
వల్లీసనాథ మమదేహి కరావలంబమ్
దేవాధిదేవ రథమండలమధ్యవేద్య
దేవేంద్ర పీఠనగరం దృఢ చాపహస్తమ్
శూరం నిహత్య సురకోటి భిరీడ్యమాన
వల్లీసనాథ మమదేహి కరావలంబమ్
హీరాదిరత్న మణియుక్తకిరీటహార
కేయూరకుండల లసత్కవచాభిరామ
హేవీర తారక జయామర బృందవంద్య
వల్లీసనాథ మమదేహి కరావలంబమ్
పంచాక్షరాది మను మన్త్రితగాజ్గయోయైః
పంచామృతైః ప్రముదితేంద్ర ముఖైర్మునీంద్రైః
పట్టాభిషిక్త హరియుక్త పరాసనాధ
వల్లీసనాథ మమదేహి కరావలంబమ్
శ్రీ కార్తికేయ కరుణామృతపూర్ణ దృష్ట్యా
కామాదిరోగకలుషీకృతదుష్టచిత్తమ్
సిక్త్వాతు మామవ కళాధరకాంతికాన్త్యా
వల్లీసనాథ మమదేహి కరావలంబమ్
సుబ్రహ్మ్యష్టకం పుణ్యం యే పఠన్తి ద్విజోత్తమాః
తే సర్వే ముక్తి మాయాన్తి సుబ్రహ్మణ్యప్రసాదతః
సుబ్రహ్మణ్యాష్టకమిదం ప్రాతరుత్థాయ యః పఠేత్
కోటిజన్మకృతం పాపం తత్క్షణా దేవ నశ్యతి.
చాలా బాగుందండి.
ReplyDeleteహాయిగా పాడుకొని మిక్కిలి సంతోషించాను. ఇది ప్రచురించినందుకు మీకు అనేక ధన్యవాదాలు.
(...తాఖిలరో గహారిన్ అని అచ్చయ్యింది. చిన్న typo. తాఖిలరోగహారిన్ అని సరిచేయండి)